Fiasta da giubileum e honoraziun 85 onns da Vic Hendry  Sils otgontatschun

Norbert Vinzens
en Tuatschina 2006/3

La vischnaunca Tujetsch ed il Forum cultural Tujetsch han envidau interessai sco era enconuschents en ed ord la val tier la festivitad a caschun dil giubileum da natalezi dad 85 onns digl enconuschent scribent indigen Vic Hendry. Numerusas vischinas e vischins da Tujetsch mo era amitgs ed enconuschents d’ordeifer han assistiu alla digna festivitad cun Vic Hendry che ha giu liug il venderdis sera, ils 20 da schaner.
Il president dil Forum cultural Tujetsch e gerau André Schmid beneventa ils presents cun plascher e satisfacziun ed el ha raschun cu el menziunescha che fiastas stoppien ins far cu ellas crodan e tuttina duessien ins buca spitgar tochen la davosa minuta. Demai ch’il Vic ei ton corporalmein sco spirtalmein en gamba, eisi segiramein buca memia tard da honorar e far fiasta cun el! Gie, il Vic ha aunc da far pir che mai, q.v. dir cun ir el marcau da Schaffusa e cumprar las gasettas preferidas ed era cumprar en spisa e bubronda per el e sia dunna Zaria.
Denter auter raquenta igl André dalla viseta tiel Vic a Schaffusa ed era sur dils liungs ed intensivs discuors duront sias visetas en sia carezada vischinonza nativa da Cavorgia. Tals han leventau agl André biars ed era numerus interess dallas profundas enconuschientschas historicas dil Vic.
Era presenta il president dil Forum cultural cuortamein igl intent da tal, pia da promover tuttas spartas e stentas culturalas en la vischnaunca da Tujetsch. Era emprovi il Forum da spindrar edifecis historics e da muntada culturala. Differentas activitads ein gia vegnidas fatgas ed aunc bein enqualina stat sil tapet.
L’undraziun dil Vic ei vegnida enramada da pliras producziuns dils scolars dalla tiarza e quarta classa primara sut la bitgetta da scolast Marcus Bearth. Segiramein han quellas finas vuschettas fatg plascher ed era honur agl anteriur magister ed educatur Vic e forsa era aunc svegliau reminiscenzas da pli baul.

Siu 27avel cudisch
Renconuschientscha per sia stentusa lavur ha Vic Hendry buca mo retschiert dils vischins da Tujetsch, mobein era si dalla Bassa ed ord l’Engiadina. Bruno Oeterli da Dozwil che ha ediu il novissim cudisch «Miu plaid scol suer digl izun» enconuscha il scribent Vic dapi biars onns. Denter auter eis el staus collega da lavur dil Vic a Schaffusa ed el sa dir: «Vic Hendry haveva buca bia peda per ses collegas. Cura ch’el deva buca scola scriveva ni legeva el.» El hagi denton recaltgau renconuschientscha a Schaffusa, oravontut entras sias columnas. Il Vic hagi mussau ch’ins sappi emprender culs onns ed ei daventaus in excellent liricher. Quei vegni renconuschiu da biars ed era enconuschents scribents svizzers.
Il cudisch ei vegnius illustraus digl artist sursilvan, Matias Spescha, e translataus en tudestg. La translatura principala da quei cudisch ei l’Engiadinesa Mevina Puorger-Pestalozzi, oriunda da Ramosch. Ella ha caracterisau la persuna dil Vic sco suonda: «El ei staus fideivels a sias ragischs e quei malgrad ch’el viva dapi varga 45 onns ella Bassa. El ei in excellent scribent. Sias poesias ein ina fuorma condensada da quei che l’olma vesa e senta.»
Il Vic ha lu piclau ora e prelegiu entginas passaschas ni era uettas ord siu cudisch ch’ils presents han tedlau cun bucca e nas ed era tscheu e leu fatg agens patratgs ni era sondaschas.

Viver da stretg en in vitg muntagnard
Il president communal, Pancrazi Berther, pren il plaid ed ha l’honur da cuortamein skizzar la persuna, sia veta, sias ovras ed alla fin honorar il Vic. Cheu ina cuorta resumaziun: Suenter in’activitad da plirs onns sco scolast enteifer la Val Tujetsch ha il Vic fatg il fagot e priu dimora cun sia famiglia igl onn 1960 a Schaffusa. Sia affonza ha el passentau a Cavorgia: «Viver da stretg en in vitg muntagnard ha signau el». La decisiun da bandunar la Val hagi el buca priu mo aschia. «Mintga pass ha ses motivs» puntuescha il president communal. El fa era menziun dils emprems pass da Vic Hendry sil sectur dalla lavur sco scribent. Quels ha il Vic fatg ella Gasetta Romonscha, el Pelegrin ed el «Bündner Tagblatt». Paucs onns suenter suondan las empremas atgnas publicaziuns. Siu stil hagi buca cattau dapertut accoglientscha, constatescha il Pancrazi. Denton la lavur dil scribent Vic ei stada enorma. Prest 7000 paginas stampadas ei veramein in grond mussament da siu engaschi per litteratura e cultura.
Plirs cudischs portan renconuschientscha e premis, denter auter duas ga quel dalla fundaziun Schiller, in dalla casa editura Fontanivas, dalla cuminonza Radio Romontsch, il premi da renconuschientscha dil cantun Grischun e la fin finala era il premi da cultura dil cantun Grischun. Il Vic vegn probablamein ad esser igl autur sursilvan che ha scret il pli bia, manegia il president communal. Il Vic ei vegnius enconuschents cun siu lungatg in tec agen ed oravontut persunal e cun quel ha el buca adina fatg sempla la caussa al lectur. Saver leger ses cudischs ed era aunc interpretar il text denter las lingias, gliez ei hanau.

Honoraziun dalla vischnaunca da Tujetsch
Per sia gronds ed excellenta ovra e per siu nunstunclenteivel engaschi a favur dil romontsch e dils Romontschs ha la suprastonza communala da Tujetsch surdau a Vic Hendry il premi da cultura e numnau el burgheis d’honur. Ensemen cun sia consorta Zaria ha il Vic astgau retscheiver las duas distincziuns. «Quei seigi empau bia honur» ha il Vic puntuau viers ils presents. El seigi turbulaus e surprius. El fussi era vegnius bugen gerau, mo persuenter hagi el surpriu l’incarica da cronist. Scriver seigi sco ina consolaziun, mo vegn buca semplamein ord la mongia: «Tgi che scriva ha da suffrir e survegn magari aunc pataheflas.» El seigi denton adina puspei returnaus ella Val. Per saver scriver stoppien ins enconuscher la situaziun. «Tujetsch ha ina geografia e historia sco paucs,» puntuescha il Vic. Ed el cuntinuescha: «Jeu selegrel dalla honur. Ussa eis ei matei da far pulit».
Cun plascher ha il president dil Forum cultural, André Schmid, saviu communicar che Vic Hendry e sia consorta Zaria hagien decidiu da regalar alla vischnauncada Tujetsch lur biblioteca privata che cuntegn 80 meters cudischs. Plinavon han els schenghegiau lur collecziun da vischala zun custeivla, elavurada a sias uras dil pigner Sep Antoni Deragisch da Bugnei. Da quella vischala ha surtut la presidenta dalla cumissiun dil museum La Truaisch, Barla Monego-Venzin, plascher. El museum vegn quella a cattar in plaz d’honur.
L’undraziun ei aunc vegnida enramada dalla societad da musica da Sedrun. Sut la bitgetta da Eduard Tuor ha la societad sunau zaconts zun plascheivels e delectonts tocs.
Alla fin da quella festivitad eisi vegniu purschiu in sitg als presents, nua ch’ei ha dau la pusseivladad da serisdar cul honorau ed era aunc cun amitgs ed enconuschents.
Igl ei veramein buca stau memia tard, denton tuttina neras uras, ed al Vic lessel giavischer vinavon buna sanadad e tut bien e per cass ch’el sa lu nuota tgei far, duei el scriver vinavon.

Autor Vic Hendry mit dem Ehrenbürgerrecht bedacht
Der Autor und Publizist Vic Hendry ist aus Anlass seines 85. Geburtstages mit dem Ehrenbürgerrecht seiner Heimatgemeinde Tujetsch ausgezeichnet worden. Die feierliche Verleihung hat in Sedrun stattgefunden.
Von Gieri Dermont

«Die Ehrung bedeutet für mich etwas, das ich im Augenblick kaum in Worte fassen kann», dies die erste Reaktion eines sichtlich überraschten Vic Hendry, nachdem Tujetschs Gemeindepräsident Pancrazi Berther die Urkunde mit seiner Ernennung zum Ehrenbürger von Tujetsch ausgehändigt hatte. Zudem wurde Vic Hendry mit dem Kulturpreis der Gemeinde Tujetsch in Anerkennung seines äusserst umfangreichen und bedeutenden literarischen Werkes und seines unermüdlichen Einsatzes zur Förderung der romanischen Sprache und Kultur. Es sei für die Gemeinde höchste Zeit, einen Bürger zu Ehren, der so viel geleistet habe.
Von der Gemeinde Tujetsch und dem Kulturforum Tujetsch zu einer Jubiläumsfeier zu seinem 85. Geburtstag geladen, den er im vergangenen August feiern konnte, habe er diese Ehrungen nicht erwartet, sondern dass man ihm allenfalls ein Geschenk als Anerkennung seiner schriftstellerischen Tätigkeit und als Bürger von Tujetsch überreichen würde, bemerkte ein sichtlich gerührter Vic Hendry, war in Begleitung seiner Frau Zaria und zwei der Kinder aus Schaffhausen nach Sedrun angereist.
Er wäre auch gerne Mitglied des Gemeindevorstandes von Tujetsch geworden, bemerkte er zu Gemeindepräsident Pancrazi Berther. Dies sollte jedoch nicht sein. Stattdessen wurde er Chronist, Reporter und Autor. 1960 packte er die Koffer, verliess das Tal und zog mit der Familie nach Schaffhausen. Damit weitete sich auch die Sicht seines literarischen Schaffens auf recht radikale Art und Weise, bemerkte Pancrazi Berther in der Laudatio.

Hendry beschenkt Gemeinde
Zu seiner Ehrung ist Vic Hendry nicht mit leeren Händen ins Tujetsch gereist. Bereits im letzten Jahr hatte er sich entschieden, nebst seiner Sammlung an kostbarem Tongeschirr, das um 1840 vom einheimischen Sep Antoni Deragisch hergestellt worden war, schenkt Vic Hendry der Gemeinde auch seine umfassende private Bibliothek. Für die Gemeinde bedeuten die beiden Geschenke einen grossen Schatz. Das Kulturforum wolle dafür den gebührenden Platz finden, bemerkte dessen Präsident André Schmid.
Viele Einwohnerinnen und Einwohner von Tujetsch waren im festlich dekorierten Saal zum Anlass erschienen, der mit Darbiertungen des Kinderchores und der Musikgesellschaft umrahmt wurde, um mit ihrem geehrten Mitbürger mitzufeiern und einige Worte zu wechseln.