Ella Tuatschina

La Quotidiana dils 6 da schaner 2015
Vic Hendry ei morts a Schaffusa
(mc) Mo paucas jamnas suenter la mort da sia cara consorta Zaria ei era la flomma dalla veta dil scribent Vic Hendry sestizzada en siu 95avel onn. Cun sia ovra litterara voluminusa e multifara ha Vic Hendry relaschau passidas marcantas e restontas ella litteratura romontscha. Siu lungatg ei inconfundibels, el sa magari esser genuins e pulpius en ses emprems romans, denton era gigins e strebels en sias historias cuortas. Pliras da sias ovras ein vegnidas translatadas en lungatgs jasters. Sia ovra publicistica astgass muntar a varga 7000 paginas. E quei tut a pèr cun las obligaziuns da famiglia e clamada da scolast secundar, gl’emprem a Camischolas ed allura 25 onns a Schaffusa. En renconuschientscha „da sia ovra litterara ordvart vasta ed impurtonta ed en undrientscha da ses gronds merets per la promoziun dil lungatg e dalla cultura dils Romontschs“ ei Vic Hendry vegnius undraus 2001 cul Premi grischun da cultura e cun numerusas ulteriuras distincziuns. Per la pressa romontscha – cunzun per la „Gasetta Romontscha“ e „La Quotidiana“ ei il trapassau staus ina veta ora in appreziau ed attaschau collaboratur.
La sepultura dil defunct ha giu liug el stretg ravugl familiar.
Mira: En mem oria

Regurdond Vic Hendry
2022 Arnold Spescha en Litteratura 41/La poesia; pagina 145

Pieder de Putnengia
En nies roman encorsch’ins beinduras gl’intent historic, mo il pli savens ei l’aventura dell’olma, il combat dil Pieder sco carstgaun tuttina surprendents. Ell’arena dil cor ha il bab della Ligia Grischa battiu il grond combat. Quei ha igl autur vuliu, buca mo in Pieder historic, mobein igl um de carn e saung, taccaus vid il suc della tiara. El ha buca copiau in Giachen Hasper Muoth, in Fry, in Camathias e Nay. El ha pilver tschercau novas untgidas e quei ei pilvermo il bi dil roman. El lai batter il Pieder il viv combat de pader, ina veritabla lutga denter Diu e demuni; el lai veser e sentir il lectur las difficultads dil claustral, difficultads humanas el ver senn dil plaid, las greflas della luschezia ed ambiziun. — L’ura veritabla digl empruament, e quei mument ei la culminaziun dil roman, e quei combat e quella lutga surventschida renda a nus il Pieder de Pultengia simpatics e cars.

In’ovra immensa e multifara
Era sche Vic Hendry ha astgau haver ina liunga veta ed ina sanadad da fier, sco quei ch’el scheva, eis ei strusch da capir, con ch’el ha scret. Igl ei in’ovra immen- sa che cumpeglia varga 6000 paginas stampadas. Ella tonscha naven dalla skiz- za e dil raquent cuort tochen al roman, naven dallas praulas tochen ad ovras historicas, ella cuntegn diaris, in’autobiografia e biografias sur dad auters, ella ensiara texts biblics e socio-culturals. El ha scret pil radio, per cudischs da scola e numerusas contribuziuns per calenders e periodicas. E buca d’emblidar sia lirica, sias translaziuns, sias columnas e sias ulteriuras contribuziuns schurna- listicas. Entginas da sias ovras ein era vegnidas translatadas en tudestg ed han contonschiu aschia in publicum ordvart igl intschess romontsch.
Arnold Spescha 2022

Ella Tuatschina – Fegl ufficial dalla Vischnaunca da Tujetsch

Emprem d’uost a Sedrun 1983	Plaid	1983/nr.16
La fumeglia	Historietta	1993/nr.19
Igl ir en baselgia	Historietta	1993/nr.20
La Val dils Fraissens	Historietta	1993/nr.21
November	Historietta	1993/nr.22
La plonta derschida	Historietta	1993/nr.23
Fridolin	Historietta	1993/nr.24
Ils seminarists dils anno 1941		1993/nr.25
Ils assassins da Tujetsch	Historietta	1994/nr.1
Ils aunghels pertgiraders	Historietta	1994/nr.2
Il raquintader	Historietta	1994/nr.3
Il temps	Historietta	1994/nr.4
Il cudisch da Francestg Berther		1994/nr.26
Pertucca il document dall’aua da Londadusa		1996/nr.9
A Francestg Berther sils 90	Las publicaziuns da F. Berther	1996/nr.16
Reta da Rueras	En patua tuatschin	1997/nr.4
A quels paucs che legian la Reta da Rueras		1997/nr.4
Poesia a pèr cun ina buna tschavera	Duas poesias da F.Hendry	1997/nr.8
Scolaras e scolars da Cavorgia		1997/nr.20
Tumaisch Venzin-Liesch	Necrolog	1999/nr.1
Ils Sepers		1999/nr.5
Hendry-Monn Luis, Sedrun 1910-1999	Necrolog	1999/nr.11
Berther-Venzin Francestg 1906-2000	Necrolog	2000/nr.19
Gaudenz Hendry-Caduff	Necrolog	2006/nr.4
Felici Hendry-Castemur 1919-2006	Necrolog	2006/nr.3
Sep Antoni Caderas-Hendry	Necrolog	2008/nr.15